Azərbaycan Respublikasının Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin aparatının Maliyyə-təsərrüfat və kredit şöbəsinin müdirinin müavini - Kreditlərin proqnozlaşdırılması, monitorinqi və risklərin təhlili sektorunun müdiri vəzifəsinin tutulması ilə bağlı daxili müsahibə 

ELAN EDİLİR:

 

Müsahibədə inzibati vəzifədə qulluq keçən və ixtisas dərəcəsinə malik olan Kənd Təsərrüfatı Nazirliyinin dövlət qulluqçuları iştirak edə bilərlər.

Müsahibədə iştirak etmək üçün aşağıdakı sənədlər təqdim edilməlidir:

- ərizə;

- əmək kitabçasının surəti;

- ali təhsil haqqında diplomun surəti (xarici dövlətlərin ali təhsil müəssisələrində təhsil almış şəxslərin ali təhsil haqqında sənədinin və həmin sənədin qanunvericiliyə uyğun olaraq təsdiq edilməsi haqqında müvafiq şəhadətnamənin surəti ilə birlikdə) və ya müvafiq ixtisas üzrə yenidən hazırlanma keçmə haqqında müvafiq sənədin surəti (ali təhsil haqqında diplomun surəti ilə birlikdə);

- kadr uçotunun şəxsi vərəqəsinin surəti (bütün bölmələr üzrə məlumatlar tam doldurulmalı və hazırkı dövrü əks etdirməlidir);

- bir ədəd ağ fonlu rəngli fotoşəkil;

- son bir ildə intizam təbehi tədbirinin tətbiq edilməməsi barədə arayış.

Müsahibədə iştirak etmək üçün ərizələrin qəbulu 25 aprel 2017-ci il tarixdən 9 may 2017-ci tarixdə saat 18.00-dək Kənd Təsərrüfatı Nazirliyində aparılır.    Ərizələr şəxsən  (bazar ertəsi – cümə günləri saat 09.00-dan 13.00-dək və 14.00-dan 18.00-dək), yaxud poçt vasitəsi ilə təqdim edilə bilər.

Müsahibə zamanı müsahibədə iştirak edən dövlət qulluqçusunun bilik səviyyəsi, peşə hazırlığı, ümumi dünyagörüşü, barəsində müsahibə elan edilən vəzifə üçün zəruri olan şəxsi keyfiyyətləri yoxlanılmaqla müvafiq vəzifəyə uyğunluğu müəyyən edilir.

Müsahibədə ixtisas dərəcəsi, attestasiyanın nəticələri, müvafiq vəzifələrin tələblərinə uyğun olaraq təkrar hazırlıq keçirilməsi və ixtisasın artırılması da nəzərə alınır.

Müsahibəyə dair ətraflı məlumat almaq üçün Kənd Təsərrüfatı Nazirlıyinə müraciət edilə bilər.

Tel.: (+994 12) 498-56-06

Almaniya Beynəlxalq Əməkdaşlıq Cəmiyyətinin (GİZ - Gesellschaft für Internationale Zusammenarbeit) Cənubi Qafqazda Özəl Sektorun İnkişafına Dəstək layihəsinin maliyyə dəstəyi ilə həyata keçirilən “Meyvə bağlarının idarə olunması üzrə qısamüddətli təlim kurslarının hazırlanması və təşkil olunması” layihəsi üzrə Consulting Group MMC və Quba Regional Aqrar Elm və İnformasiya Məsləhət Mərkəzi tərəfindən Quba rayonu Timiryazev qəsəbəsində yerləşən “Fermer evi”ndə təlimlər təşkil olunacaq. Təlimlər 31 yanvar – 8 fevral 2017-ci il aralığında həftədə 2 dəfə olmaqla keçiriləcək.

 

Təlimlər bütöv tədarük zəncirini əhatə etməklə 3 modul üzrə keçiriləcək və aşağıdakı mövzuları əhatə edəcək:

Modul 1. Nümunəvi bağçılıq, intensiv bağçılığa keçid, becərmə və zərərvericilərə qarşı mübarizə

Modul 2. Yığım və depolama

Modul 3. Logistika və marketinq

 

Qeyd olunan təlimlər bu sahədə böyük təcrübəsi olan ekspertlər tərəfindən təqdim olunacaq və bu mövzu üzrə ən uyğun namizədlər seçilərək onların təlimlərdə iştirakı təmin olunacaqdır.

 

Əlaqə üçün

Consulting Group MMC                                                                Almaniya Beynəlxalq Əməkdaşlıq Cəmiyyəti

Elçin Əkbərov / Ramazan Aslanov                                                Şəlalə Kamilova

+994 12 465 75 15                                                                                          +994 12 497 80 68

www.consultinggroup.az                                                               https://www.giz.de/en/worldwide/367.html

 

Quba Fermer Evi

+99423 33 5 19 26

İslam Bəyəhmədov